वन क्षेत्रमा वन्यजन्तुको वासस्थानको खण्डिकरण, क्षयीकरण र विनास, अधिक उपयोग, वन डढेलो, वन क्षेत्रको अतिक्रमण, वातावरणीय प्रदुषण, जलवायु परिवर्तनको नकारात्मक प्रभाव जस्ता जोखिमहरुको कारणले कतिपय प्रजातिहरु लोप भएका, कतिपय लोप हुने अवस्थामा पुगेका र दुर्लभ संख्यामा रहेका पनि छन । वन, वनस्पति, वन्यजन्तु र जैविक विविधताको संरक्षण, सम्वर्धन, सदुपयोग र व्यवस्थापनका लागि नेपालले विविध नितीगत, कानुनी, संरचनागत र मानवीय स्रोत एवं साधनहरुको व्यवस्थापनका प्रयासहरु जारी राखेको पाईन्छ । खासगरी स्व–स्थानीय (In-Situ Conservation)संरक्षणको लागि राष्ट्रिय निकुञ्ज, वन्यजन्तु आरक्षहरुको स्थापना र व्यवस्थापन गर्दै क्षेत्र विस्तार मार्फत मुलुकका यी अमूल्य निधिको जगेर्ना गर्ने कार्यबाट वातावरणीय लाभका साथ साथै आर्थिक लाभका लागि पनि नेपाल सरकारबाट अनवरत रुपमा समय सुहाउदो प्रयासहरु हुदै आएको छ ।यसका अतिरिक्त पर–स्थानीय संरक्षणका (Ex-Situ Conservation) प्रयासहरु पनि निरन्तर जारी छ । उदाहरणको लागि गैंडा, बाह्रसिंगा लगायतका केही वन्यजन्तुहरुलाई अनुकुल प्रकृतिको अन्य क्षेत्रहरुमा वासस्थानमा स्थानान्तरण, चिडिया खाना र बृक्षारोपण मार्फत विभिन्न वन क्षेत्र तथा वानस्पतिक बगैंचाहरुको स्थापना पर–स्थानीय संरक्षणका उदाहरण हुन् । पर–स्थानीय संरक्षणका लागि चिडियाखाना स्थापना र व्यवस्थापन....Read More

यस प्राणी उद्यानको वन क्षेत्र र आसपासमा रहेका सामुदायिक वन क्षेत्रलाई आगलागीको जोखिम न्यूनीकरण गर्न आसपासका क्षेत्रमा रहेका सामुदायिक वनका उपभोक्ताहरुलाई वन डढेलोको जोखिम तथा सोको व्यव्थापन सम्बन्धमा भानुभक्त प्राणी उद्यानको कार्यालयमा मितिः २०७९ पौष १३ गते एक दिने कार्यक्रम सम्पन्न गरिएको थियो । उक्त कार्यक्रममा विभिन्न सामुदायिक वनका पदाधिकारीहरु, गाउँ टोल विकासका पदाधिकारीहरु, यवा क्लवका सदस्यहरु, स्थानीय वासिन्दाहरु र यस कार्यालयका कर्मचारीहरुको सहभागिता रहेको थियो । जसले गर्दा स्थानीय स्तरमा जनचेतना अभिवृद्धि , भई स्थानीय समुदायलाई वन डढेलो व्यवस्थापन र संक्षणमा थप बल प्रदान गरेको छ ।

• पूर्व : छिर्कने भञ्ज्याङ जौवारी गाउँ जाने बाटोको केही भाग हुँदै पोखरी भञ्ज्याङ हुँदै ठाडाबाटो हुँदै वन तर्फको बाटो भएर राई खोल्सी भएर जौवारी जाने मुख भएर गखर्क डाँडा हुँदै चालिसे खोला, सिसा खोला भएर गरम भञ्ज्याङ ।
• पश्चिम : मोती चौतारा हुँदै कटहरे फाँट हुँदै तिन पातेडाँडा हुँदै ढकाल नदी हुँदै भूमिटार गाउँ हुँदै साठी मुरे खोला हुँदै भञ्ज्याङ चौतारा ।
• उत्तर : गरम भञ्ज्याङ देखि नावरुङ जाने कच्चीबाटो भन्दा दक्षिण हुँदै नावरुङको आवादी भएर खोल्सी हुँदै बगुवा गाउँ हुँदै नेपाल डाँडाको आवादी हुँदै सिम्ने खोला हुँदै ठाडो बाटो भएर भालुखोला हुँदै भञ्ज्याङ चौतारा ।
• दक्षिण : छिर्कन भञ्ज्याङ देखि पृथ्वी राजमार्ग हुँदै देउरालीको आवादी छेउ हुँदै मौती चौतारा देखि कटहरे फाँटसम्म ।