हाम्रो मिशन

वन्यजन्तुको पर-स्थानिय (ex-situ) संरक्षणमार्फत मनोरञ्जनको प्रवर्द्धन गर्ने र स्थानीय स्तरमा रोजगारीका अवसरहरू सिर्जना गरी राष्ट्रिय समृद्धिमा योगदान पुर्‍याउने दूरदृष्टिका साथ यो अभियान अघि बढेको छ। नेपालका रैथाने तथा गैर-रैथाने वन्यजन्तुहरू समेटिएको एक व्यवस्थित प्राणी उद्यान स्थापना गरी स्थानीय र राष्ट्रिय समृद्धिमा टेवा पुर्‍याउनु हाम्रो मुख्य लक्ष्य हो। यस अभियानअन्तर्गत हामी पाँचवटा मुख्य उद्देश्यहरू हासिल गर्न प्रतिबद्ध छौँ: नेपालका रैथाने र गैर-रैथाने वन्यजन्तुहरूको संरक्षण गर्ने, वन्यजन्तु संरक्षणमार्फत मनोरञ्जन र वातावरणीय शिक्षा प्रदान गर्ने, तथा वन्यजन्तुमाथि वैज्ञानिक अध्ययन र अनुसन्धान सञ्चालन गर्ने। यसका साथै, पर्या-पर्यटन को प्रवर्द्धन गरी स्थानीय बासिन्दाको जीवनस्तरमा सुधार ल्याउने र घाइते तथा सहाराविहीन वन्यजन्तुहरूको उद्धार एवं उचित व्यवस्थापन गर्ने कार्यमा हामी निरन्तर समर्पित छौँ।